صدق ابليس

من طرف toto الإثنين نوفمبر 30, 2009 4:26 pm

صدق ابليس

خمس كلمات من افواه ابليس وجنوده
تتكلم عن السيد ومتعلقه بوعوده

الاول نبي كاذب بيتكلم عن جوده

قال ليس انسان فيكذب ولا ابن انسان فيندم

كان قابض علشان يلعن ولابليس كان بيخدم

كلامه عال العال لكن كاذب واسمه بلعال

الثاني غسل ايده واتبراء من دم سيده

كتب علي الصييب يوم صلب الحبيب

هذا هو ملك اليهود وعلشان يصلبه جاب شهود

والحق معاه غاطس متنساش اسمه.... بيلاطس

الثالث العسكر الرومان شهدوا للفادي الحنان قالوا

حقا كان بن الله بعد ما بعد ماشوفوا نور الاله

لكن ملهمش نصيب بعد التعذيب

اللي شافه منهم الحبيب علي عود الصليب

والرابع شهاده الفرسيين اللي للناموس حافظين

قالوا محب للعشارين والخطاه وهما خاينين وعصاه

كلامهم جميل افعالهم افعال.................. شياطين

والخامس

قائدهم كلهم وفارسهم وسيدهم وتاج رأسهم

ياتري عرفته مين ... ابليس قال كلمه مقلهاش قديس

اعرفك من انت قدوس الله مع انه اب لكل الشرور

ولا عجب ان الشيطان يغير نفسه الي شبه ملاك نور

وانا
وانت ....... اوعي تفتكر احنا في فرح

محتدش هيصدق كلامي وكلامك هيشوفي افعالي وافعالك

سيدي وسيدك قال زمان

(ياتون من المشارق والمغارب ويتكئون في حضن ابراهيم وبني الملكوت يطرحون خارجا ) خلي بالك من كلامك

اوعي يكون كلامك معسول المهم لكون قلبك مغسول

السما مش بالكلام سيدي وسيدك ذاق الالام

مع انه رب السلام في ميلاده احلي كلام

المجد لله في الاعالي وعلي الارض السلام

كلمات الشاعر ظريف يوم الاثنين 30/11/2009